日式高湯

睇o左介紹咁多日本菜譜、好多人都會發覺成日都要用o既材料嚟嚟去去都係o個幾様。糖・塩o個D唔駛講、醤油分両種：薄口/濃口。濃口通常攞嚟炆o野或者煮D要整色整水o既餸、用途有D似老抽、但佢無老抽咁濃。薄口就攞嚟點野・調味之類、雖然浅色但味道比濃口咸好多。味醂就係含酒精同糖o既調味料、料理酒固名思意就係煮餸用o既酒、佢比起中国o既焼酒清淡。高湯就更加唔可以缺少、雖然市面上有「鰹魚粉」可以代用、但始終係自己整會無咁多化学調味料。今日就教o下大家整日式高湯、真係好易、無難度、有斉材料煲滾就得。鰹魚碎片・いりこ（日本咸魚仔）・昆布、o係日本超市應該買倒、最底限度要有鰹魚碎、想好味D就加埋咸魚仔、再講究D就要加埋昆布。

　　　

有時間就張咸魚仔浸１個鐘以上（唔浸都OK）、然後煲滾（用番浸咸魚仔D水）、用乾浄湿布抹去昆布表面o既塵埃然後投入煲内、再加鰹魚碎、番滾就轉細火煮２－３分鐘熄火。隔o左渣用個樽入起去灘凍、擺雪櫃可以保存約５－６日、所以我毎次都會整５００㎖儲備、遅D天気凍番毎日都會煲味噌汁、所以會毎次整定１ℓ。